காப்பிரைட்

காப்பிரைட் 
கடவுளாவதோ கடவுளைக்
கண்டுபிடித்து அந்த டெக்னிக்கை
காப்பிரைட் செய்து 
கட்டணம் வசூல் செய்கிற 
கனவோ  சற்றே 
ஒத்திப்போட்டு உற்றுக்கவனியுங்கள் 
மஞ்சளைச் செய்தது போல 
கறிவேப்பிலையை கைமுதல் 
செய்தது போல 
புறப்பட்டுவிட்டது 
வெள்ளைக்காரக் குருமார் படை.
அசடுகள் போல் சுயப்பெருமை வேண்டாம். 
சிறுதொழிலை உலகமயமாக்கியது 
போதாமல் அழியாத்தொழிலான 
கடவுள் கண்டுபிடிக்கும் தொழில் 
அவர்கள் கைக்குப்போய்விட்டால்  
அப்புறம் நீங்கள் லாட்டரி அடிப்பீர்கள்;
எச்சரிக்கை! இப்போதே 
கடவுள் கண்டுபிடிக்கும் தொழிலைக் 
 காப்பிரைட் செய்வது நல்லது