நினைவுச்சின்னங்கள்
பதின்மூன்றே முக்கால் பில்லியன்
வருடங்களுக்கு முன்
பிறவி எடுத்து
விஸ்வரூபமாக விரிந்து விரிந்து
வளர்கிற பிரபஞ்சம் பிரசவித்த
சூரியனிடமிருந்து சிந்திய
ஒரு சொட்டு தான்
நான்கே முக்கால் பில்லியன்
வருட வயசான நம் பூமி
சுற்றிச் சுழலும்
அதன் பிள்ளைப்பூச்சி
ஓட்டத்தை ஓரக்கண்ணால்
ஒருக்களித்துப் பார்த்தபடி ,
தலை வால் தேடி
ஓடும் பேரண்டம் கவனிக்கிறது
நாம் நிறுவும் நினைவுச்சின்னங்களை .
கதிரவனோடு கிரகங்கள்
கூடி நட்சத்திரக்குழந்தைகளோடு
திக்கை இழக்கிற திகைப்பில்
தத்தளித்தால் நமக்கென்ன?
சிற்சில நினைவுகள்
சின்னமிழந்து சிதறித்தொலைவதை விட
சிறிது நின்று சிரித்துப்பின்
காக்கை எச்சம்,
கழுவும் மழை ,
வருஷத்துக்கு ஒரு மாலை ,
அடுத்துக் கறுத்துக்
கூலிக்கு நிற்கிற காவல்காரன்
போல் நின்று காணாமல் தான் போகட்டுமே!
கருங்கல்லில் நினைவுச்சிறை
கட்டும் முயற்சி நடக்கட்டுமே!
பதின்மூன்றே முக்கால் பில்லியன்
வருடங்களுக்கு முன்
பிறவி எடுத்து
விஸ்வரூபமாக விரிந்து விரிந்து
வளர்கிற பிரபஞ்சம் பிரசவித்த
சூரியனிடமிருந்து சிந்திய
ஒரு சொட்டு தான்
நான்கே முக்கால் பில்லியன்
வருட வயசான நம் பூமி
சுற்றிச் சுழலும்
அதன் பிள்ளைப்பூச்சி
ஓட்டத்தை ஓரக்கண்ணால்
ஒருக்களித்துப் பார்த்தபடி ,
தலை வால் தேடி
ஓடும் பேரண்டம் கவனிக்கிறது
நாம் நிறுவும் நினைவுச்சின்னங்களை .
கதிரவனோடு கிரகங்கள்
கூடி நட்சத்திரக்குழந்தைகளோடு
திக்கை இழக்கிற திகைப்பில்
தத்தளித்தால் நமக்கென்ன?
சிற்சில நினைவுகள்
சின்னமிழந்து சிதறித்தொலைவதை விட
சிறிது நின்று சிரித்துப்பின்
காக்கை எச்சம்,
கழுவும் மழை ,
வருஷத்துக்கு ஒரு மாலை ,
அடுத்துக் கறுத்துக்
கூலிக்கு நிற்கிற காவல்காரன்
போல் நின்று காணாமல் தான் போகட்டுமே!
கருங்கல்லில் நினைவுச்சிறை
கட்டும் முயற்சி நடக்கட்டுமே!
