வெடி வழிபாடு
வெடி கண்டுபிடித்தவன்
மனமுடைந்து மாண்டான்
வெடி விற்ற காசில்
உலக சமாதானத்துக்கு
உற்சவம் நடத்த
உயில் எழுதிவிட்டு.
விட்டு விடுவார்களா
வழிபாட்டுக் காரர்கள்?
வழிபாடு தொடர்கிறது,
வழிவழியாக,
படிப்படியாக,
வகை வகையாக.
பகை எப்படிக் குறையும்?
வம்சம் விளங்க வேண்டுமே!
பகை மூலதனம்
வெடி வியாபாரம்
அட கிடந்துதான்
போகட்டுமே!
பகை வெடி இரண்டும்.
என்ன கெட்டுப்போயிற்று?
பீதி அதிகரித்தால்
கூட இரண்டு மூன்று
ஆலயங்கள் கட்டி
காப்பாற்றக் கோரிக்கை
கையெடுத்துச் சேவித்து
வெடி வழிபாட்டுக்கு
ஏற்பாடு செய்தால் போச்சு!
No comments:
Post a Comment