ஒரு மூடிய கதவினுள்ளே

ஒரு மூடிய கதவினுள்ளே  
விரிந்து வியாபித்திருக்கலாம்
விண்வெளியில்  நீந்தும் அண்டப்பிரபஞ்சம்.
தெரிவதென்னவோ தெருமுனை,
கடற்கரையின் தொடுமுனை,
கூரை ஓடு விலகிய
சின்னஞ்சிறு துளையின்
ஒளி  ஓடை கசிந்து
தரையில் விழுந்திருக்கும் வெளிச்ச வட்டம்.
அருகில் என்னைத்
தழுவி அணைத்து
வட்டத்தில் விரல் நிழல்
விழக் கண்டு சிரிக்கும்
காதல் மனைவி.
சிறகேற்றுச்சகலமும் தரிசிக்கின்றன
எங்கள் மனங்கள்