ஒரு வருஷம் நல்ல மழை

ஒரு வருஷம் நல்ல மழை 
ஒரு வருஷம் பொல்லாக் 
காற்றால் பொய்த்தது மேகம்
பூரித்தோம் புலம்பினோம்
ஒரு வருஷம் பெரும்  விளைச்சல்
ஒரு வருஷம் காய்ந்து தீய்ந்தது .
கொண்டாடினோம் குமுறினோம்
நிறைந்தது குறைந்ததும்
கொடுத்து வைக்கவில்லையெனப் 

போருக்கு நிற்க முடியாத
வானத்தைப் பார்த்து
மனம் தேற்றிக்கொண்டோம் 
சுழலும் பூமியின்
அச்சு நம் ஆறுதல்
 நிச்சயம் அடுத்துத்
தொடரும் நல்லது