ஆடை மாற்றுதல்

(தேதி குறிக்கப்பட்ட வனம் கவிதைத் தொகுதியிலிருந்து)
ஆடை மாற்றுதல் 
சேலை அவிழ்த்து விட்டு
ஒவ்வொரு பக்கமாக
இடமிருந்து வலமோ
வலமிருந்தோ இடமோ
தலைக்குக் கீழாகவோ
தலைக்கு மேலாகவோ
சேலை முகப்பைப்
பல்லில் கடித்துக்கொண்டு தான்
உள்ளாடை மாற்றவேண்டி வருகிறது
இரண்டிற்கும் இடைப்பட்ட
வேளைகளில் எட்டிப் பார்ப்பவர்கள்
இருந்து விட்டால்
வருகிற எரிச்சலில்
மொத்தத்தையும் கழற்றி
அவர்கள் முகத்தில்
வீசி எறிய த் தோன்றுகிறது
மாற்றங்களுக்கு இடையே
பெரும்பாடு பண்பாட்டிற்குத்தான்
ஆடையானால் என்ன?
கட்சியானால் என்ன?
போட்டுத் தள்ளும் கலாசாரப்
பின்னணியில்!
வையவன்