பன்முக மனிதர்களின் இன்முகம்

பன்முக மனிதர்களின் இன்முகம் 

திரும்பாமலேயே திசைபார்க்க
முகம் வேண்டியிருக்கிறது;
ரேடார் போல.
தொலைநோக்கி போல.
ஒன்றல்ல இரண்டல்ல

ஆறுமுகம்,நான்குமுகம்.
மனித முகம் போதாமல்

மாறுமுகங்கள் தேவையாகின்றன
யானை முகம் சிங்க முகம்
குதிரை முகம் குரங்கு முகம்
அதிகாரத்துக்கு ஒரு முகம்
அடிபணிய ஒரு முகம்
ஆளுமைக்கு ஒரு முகம்
ஊழியத்துக்கு ஒரு முகம்
உறவுக்கு ஒரு முகம்
பகைக்கு ஒரு முகம்
தொட்டிலுக்கு ஒரு முகம்
கட்டிலுக்கு ஒரு முகம்
சொந்தததிற்கு ஒரு முகம்
பந்தத்திற்கு ஒரு முகம்
எந்த முகம் என் முகம்?

தேடாதிருப்பது சுகம்
பன்முக மனிதர்களின்
இன்முகம் சரிப்படுத்துகிறது
பாகுபாடுகளை சிறிதளவேனும்.